History Class Dismissed
tinta ni Kid Bukid

Beep... beep...
Sigaw sa akin ng sasakyan
Habang tumatawid sa aspaltadong daanan
Papunta sa mahal kong paaralan.

Nagngangalit ang sinag ng araw,
parang nang-iinis, animo'y halimaw...
Pawisan na agad, kahit kaliligo lang.
Ang alinsangan na tuloy aking naramdaman.

Trapik sa crossing ng Marilao
Huli na naman yata ang isang kawawang nilalang
Napag-initan siguro ng mga gutom na traffic aide
Na mukang hindi pa yata nanananghalian...

Buti na lang wais ang driver ko,
Marunong dumiskarte sa makipot na kanto.
Five minutes na lang late na ko,
Buti na lang wais ang driver ko.

Makalipas ang sampung siglo nakarating din ako,
Tumatagaktak ang pawis habang pinupunasan ng panyo.
Laking gulat ko nang pagdating ko sa pasilyo,
Ayun, wala palang klase... nanlumo ako...

Kaya ko naisulat ang likha kong ito,
Dahil sa prof kong tinamad magturo.
Kaya naman para sa kanya ang katha kong ito,
Nagustuhan mo sana, Sir Orlando Payoyo!

Isang araw na naman ang bubunuin ko sa eskwelahan,
Martes, alas nuebe, room 303... subject: History I
Late ako ng tatlong minuto pero hindi maipagkakailang obvious.
Nakaupo na si Sir sa berdeng mesa, nagtatawag yata ng estudyante.
Sa bungad pa lang, marami nang nagdadaldalan, pero tuloy pa rin ako.
Hindi ko na binalak mag-gud morning kay Sir, mabait naman yun eh, understanding pa!
Naupo ako sa silya, pangatlo sa dulo. Humarap na parang wala lang.
Uy, may magrereport pala. Walang masama, makikinig lang ako...
Nagsalita ng nagsalita ang mga 1st year kong kaklase, attentive!
Pero nagulantang ang mundo ko nang tawagin ang pangalan ko!
Shit! reporter din nga pala ko!
Dali-daling nanghiram ng libro sa isang kaklase, pumunta sa harap at nagkunwaring may alam.
"The education system during the blah blah blah..." ayos, parang alam na alam talaga yung sinasabi.
Halos basahin ko lang yung nakasulat sa libro, pero dahil bilib sa kin ang mahal kong propesor, akala nya ni-research ko pa sa National Library yung mga pinagsasabi ko.
Natapos ang klase nang ganun, puro reporting - habang naniningil ng contribution ang isang classmate para sa team ng NSTP para sa Intrams.

Ten A.M kami pinalabas ni Sir, walang susunod na subject kaya tambay muna sa office ng Chronicle.
Nang ma-realize kong wla din akong gagawin dun, lumabas ako ng campus at dumeretso sa computer shop, mag-iinternet.

Alas dose na nang makabalik ako sa campus, dun uli sa room 303 pero iba na ang klase: NS3 - Personal Health and Science.
Medyo late si Mam pero ok lang.
Dun ko nalamang may exam pala kami, dali-daling humiram ng xerox copy sa classmate at nagrebyu.
Dumating na si Mam at binigay ang exam, putsa! Ang hirap! puro kasi identification ang exam.. Pero sa kabutihang palad at sa awa na rin siguro, may choices sa board..
Halos isang oras kong sinagutan ang pobreng exam, "nag-eeny meeny miny mo" lang ako, pare-pareho kasi halos yung tanong. Tapos nun tapos na!

1:30pm - computer lab, CS1 - Computer Concepts 101.
Last subject ko na to para sa T-Th. Simple lang ang exercises, pag-cocompute ng grade. Medyo intindi ko naman yung gagawin kaya natapos ko yung gagwin. Absent ako last week kaya kelangang humabol, dahil wala nang time at sadyang tinamad na kong gawin yung activiting na-miss ko, dinekwat ko na lang yung nasa computer nang reliable at dependable kong classmate, ladies and gentlemen, that is NETWORKING!

Nang lumabas kami ng ComLab, medyo makulimlim na. Dahil sa takot na dumami pag naulanan, uwi na ko... Bukas na lang ulit! Siguro mas maganda na ang klase at klima bukas...

Likha ni: Kid Bukid

yan ang picture ng pobreng si ako...

Minsan mahirap talagang gumising ng maaga,
Para bang ayaw mo pang kumawala sa pagkakahiga.
Pero dahil naisip mong wala ka pa palang almusal,
Dapat ka nang bumangon at nang makabili ng pandesal.

Pupungas-pungas pa at medyo bangenge,
Pero no can do, kelangan talagang magmadali.
Kung ayaw maubusan ng paboritong almusal,
Larga na sa bakery kahit di pa nakapagdasal.

Malayo na ako sa amin nang bigla kong maalala,
Ang bulsa ko pala'y walang lamang pera.
Back to barracks, kelangang magmadali,
Dumukot sa wallet, at kunin ang salapi.

At last, dumating din ako sa mahal kong bakery.
Kaso kamo, wala dun yung saleslady.
Naka-tatlumpung "pagbilan!" na ko'y wala pa ring nagbibili,
Ayun lumabas din, sa kin yata nabingi.

Sa wakas, nakabili din ng pandesal kong hanap!
May sukli pang sampu kaya palaman ay naghagilap.
Ayun! May tindang spageti sa kabilang kanto,
Sa wakas, kumpleto na ang pagkain ko.

Ganyan ang routine ko araw-araw,
Gising, Bangon, Bili, Kain.
Kahit mahirap, kelangang gawin,
Mahirap yatang mag-aral nang walang kinakain...

likha ni: Kid Bukid